"ირაკლი ფირცხალავამ განზრახ არ მისცა გამოძიებას ჩვენება", - ამის შესახებ მოწმის სახით დაკითხულმა პროკურორმა დავით გუმბერიძემ განაცხადა.
გუმბერიძის შეფასებით, ფირცხალავა ყურადღების ცენტრში ყოფნას ცდილობს.
"მე, როგორც მოწმის სახით დაკითხულმა პირმა, გამოძიებაში არსებულ საქმეზე ვისაუბრე. დადასტურდა, რომ ირაკლი ფირცხალავამ ორჯერ არ შეასრულა მოსამართლის მიერ გაცემული განჩინება, ამასთან, სასჯელაღსრულების დაწესებულებაში, ორჯერ გამოცხადდა სასამართლო ხელისუფლების წარმომადგენელი, რათა მისი მოწმის სახით დაკითხვა ჩაგვეტარებინა, თუმცა ორივე შემთვევაში დააფიქსირა პოზიცია, რომ გამოძიებას ჩვენებას არ მისცემდა. ერთ შემთხვევაში პროვოკაციულ შეკითხვებს სვამდა, მეორეში ჯანმრთელობის მდგომარეობა მოიმიზეზა, შემდეგომ ვითომ გონების დაკარგვა. ის ცდილობს საზოგადოების ყურადღების ცენტრში ყოფნას", - განაცხადა მოწმის სახით დაკითხულმა პროკურორმა, დავით გუმბერიძემ.
სწორედ ის იმყოფებოდა ყოფილ მაღალჩინოსანთან სასჯელაღსრულების დაწესებულებაში და ცდილობდა ჩვენების მიღებას.
ცნობისთვის, თბილისის საქალაქო სასამართლოში ირაკლი ფირცხალავას საქმის განხილვა დასრულდა.
მას სახელმწიფო ბრალდება მოწმე ირაკლი მამალაძეზე ზემოქმედების მოხდენის ფაქტზე ჩვენების მიცემაზე უარის თქმას ედავება.