19 დეკემბერს, 10:00 საათზე, სასტუმრო თბილისი მარიოტში, ფინანსურად ყველაზე გამჭვირვალე ცხრა არასამთავრობო ორგანიზაცია გამოვლინდება, რომლებსაც სპეციალური პრიზი ,,ჯილდო გამჭვირვალობისთვის" გადაეცემათ.
,,34 არასამთავრობო ორგანიზაცია მიმდინარე წელს შეუერთდა გამჭვირვალობის დეკლარაციას, რომელზე ხელმოწერითაც მათ პასუხისმგებლობა აიღეს პროაქტიულად გამოაქვეყნონ ინფორმაცია მათი მიზნების, დაგეგმილი და განხორციელებული საქმიანობების, განხორციელების ვადების, დონორების და დაფინანსების რაოდენობის შესახებ. 2017 წელს 34 ორგანიზაციიდან გამოვლენილი იქნა ის ცხრა ორგანიზაცია, რომლებმაც ყველაზე ღიად და გამჭვირვალედ გამოაქვეყნეს მათი წლიური ფინანსური მონაცემები და დაფინანსების წყაროები“, - აცხადებენ ,,სიდაში“.
