თუ კვირიკაშვილი თავად არ გადადგება, ყველანაირი სტრუქტურული ცვლილება აზრს მოკლებულია - ამის შესახებ "პატრიოტთა ალიანსის" წევრმა ადა მარშანიამ განაცხადა. მისივე თქმით, პარტია მთავრობის დამტკიცების პროცესში მონაწილეობას არ მიიღებს.
"აზრს ვერ ვხედავთ მთავრობის დამტკიცების პროცესში მონაწილეობა მივიღოთ. არც იმას ველოდებით, რომ კითხვებზე პასუხი იქნება გაცემული, ამიტომ დავტოვებთ დარბაზს. თუ გიორგი კვირიკაშვილი თავად არ გადადგება, ყველანაირი სტრუქტურული ცვლილება აზრს მოკლებულია,"- განაცხადა ადა მარშანიამ.
პარლამენტს დღეს მთავრობის განახლებული შემადგენლობა და სამთავრობო პროგრამა წარედგინება. კონსტიტუციის მიხედვით, მთავრობისთვის ნდობის გამოცხადების საკითხს პარლამენტში პრეზიდენტი წარადგენს, ამ საკითხის განსახილველად კი პარლამენტს 7 დღე აქვს.
7 დეკემბერს მთავრობის სტრუქტურული ცვლილებების პროექტი პარლამენტმა მესამე მოსმენით მიიღო.