ორი ახალი ფრაქციის შექმნის გადაწყვეტილება უმრავლესობის შიგნით მომწიფდა და, ვფიქრობ, ეს დროული გადაწყვეტილებაა, – ამის შესახებ იურიდიულ საკითხთა კომიტეტის თავმჯდომარემ ეკა ბესელიამ განაცხადა.
როგორც ბესელიამ აღნიშნა, ცვლილება ისეთ დიდ ფრაქციას, როგორიც არის “ქართული ოცნება”, საშუალებას მისცემს, დეპუტატებს პოლიტიკურ პროცესებში ჩართვის მეტი შესაძლებლობა შეუქმნას.
„მართვის თვალსაზრისით, ასევე პოლიტიკურ პროცესში ყველა წევრის მეტი ჩართულობისა და მათთვის მეტი შესაძლებლობის მიცემისთვის, ვფიქრობ, გაცილებით მოქნილი იქნება დამატებით ორი ახალი ფრაქციის შექმნა. ეს ისეთ დიდ ფრაქციას, როგორიც არის “ქართული ოცნება”, საშუალებას მისცემს, დეპუტატებს პოლიტიკურ პროცესებში ჩართვის მეტი შესაძლებლობა შეუქმნას“, – განაცხადა ეკა ბესელიამ.