რუსეთი ევროსაბჭოს საპარლამენტო ასამბლეაში ვერ დაბრუნდება. ამის შესახებ უკრაინელი დეპუტატი ვლადიმერ არიევი იტყობინება. მისივე ინფორმაციით, რუსეთის საწინააღმდეგო დეკლარაცია საბჭოს წევრმა 19 ქვეყნის დელეგაციამ მოაწერა ხელი. დოკუმენტში ნათქვამია, რომ ევროსაბჭოს საპარლამენტო ასამბლეაში რუსეთის დაბრუნება საბჭოს ავტორიტეტს შელახავს. რუსეთს საპარლამენტო ასამბლეაში უფლებამოსილება უკრაინის წინააღმდეგ განხორციელებული აგრესიის გამო 2014 წელს შეუჩერეს.