მიხეილ სააკაშვილის საზოგადობრივი ადვოკატი მისი დაცვის ქვეშ მყოფს ჯერჯერობით არ დაკავშირებია. როგორც ადვოკატი ამბობს, მასთან კონტაქტი არც სააკაშვილის ოჯახის წევრებს ჰქონიათ.
„არ დავკავშირებივარ, ჯერ საქმის მასალებს ვეცნობი, ჩემთვის ამ ეტაპზე უფრო მნიშვნელოვანია, საქმის მასალებში გავერკვიო და ამის შემდეგ გადავწყვიტო ყველაფერი“, - განაუცხადა „ჯი-ეიჩ-ენს“ სააკაშვილის საზოგადოებრივმა ადვოკატმა სოფიო გოგლიჩიძემ.
შეგახსენებთ, 14 დეკემბერს, თბილისის საქალაქო სასამართლოში საქართველოს ყოფილ პრეზიდენტს, მიხეილ სააკაშვილს საზოგადოებრივი ადვოკატი დაენიშნა. სააკაშვილმა ქართულ მართლმსაჯულებას უნდობლობა გამოუცხადა და ადვოკატები აიცილა.
მას სანდრო გირგვლიანის მკვლელობის საქმის ერთ-ერთ ეპიზოდზე სახელმწიფო ბრალება უფლებამოსილების ბოროტად გამოყენებას ედავება.
შემდეგი სასამართლოს სხდომა 22 დეკემბერს ჩაინიშნა.