მიხეილ სააკაშვილის შეფასებაში ნამდვილად არ მჭირდება პუტინის გამონათქვამების დახმარება, - ასე გამოეხმაურა პარლამენტის იურიდიულ საკითხთა კომიტეტის თავმჯდომარე ეკა ბესელია საქართველოს ყოფილ პრეზიდენტ მიხეილ სააკაშვილთან დაკავშირებით რუსეთის პრეზიდენტის, ვლადიმერ პუტინის განცხადებას.
მისი თქმით, სააკაშვილზე სასაუბროდ იმდენად ბევრი არგუმენტი არსებობს, როგორც საქართველოსთვის ძალიან ბევრი ზიანის მომტან ყოფილ პრეზიდენტზე, რომ პუტინი რა კომენტარს გააკეთებს მასზე, მისთვის საინტერესო არ არის.
ეკა ბესელიას თქმით, თუ ვინმეს შეიძლება აინტერესებდეს მიხეილ სააკაშვილი, ეს მართლმსაჯულებაა.
„მართლმსაჯულებას აქვს თავისი დღის წესრიგი და ის პოლიტიკურ დღის წესრიგში არ არის. ვერც სასამართლოები ვერ გადაიდება, ვერც პროცესი გაჩერდება და ვერც მართლმასჯულების განხორციელებაზე იტყვის უარს ვერცერთი სახელმწიფო”,- განაცხადა ეკა ბესელიამ.