მიხეილ სააკაშვილი პუტინის განცხადებას სოციალურ ქსელ ფეისბუკზე გამოეხმაურა.
„ვერა და ვერ დამივიწყა პუტინმა! შემთხვევითობა გგონიათ ის, რომ მისი თეზისები უკრაინის პრეზიდენტის ადმინისტრაციის აზრებსა და ტერმინოლოგიას სრულებით ემთხვევა?“ - წერს სააკაშვილი.
ტრადიციულ დიდ პრესკონფერენციაზე პუტინმა სააკაშვილი დღეს რამდენჯერმე ახსენა.
„ის, რასაც სააკაშვილი აკეთებს, უკრაინელი და ქართველი ხალხისთვის სახეში შეფურთხებაა! როგორ ითმენთ ამას საერთოდ? ის ჯერ საქართველოს პრეზიდენტი იყო, ახლა კი მოედნებზე დარბის და ამბობს, რომ უკრაინელია. უკრაინაში ნამდვილი უკრაინელები არ არიან? როცა ამ საცოდავობას ვუყურებ, გულში სისხლი მიდუღს,"- განაცხადა პუტინმა.