„საპატიო მიზეზის გამო ადვოკატი ბექა ბასიალაია ვერ გამოცხადდა და პროცესი 9 იანვრისთვის გადაიდო“, - განუცხადა „ჯი-ეიჩ-ენს“ „ცენტრ პოინტის“ საქმის ადვოკატმა, მარინა ცუცქირიძემ.
როგორც ადვოკატი აცხადებს, მათ ინტერესებში შედის, საქმეზე განაჩენის დადგომამდე ინვესტორებთან მოლაპარაკებები დასრულდეს.
„ინვესტორთან ხელმოწერას ველოდებით, შესაბამისად, ამ ეტაპზე უფრო მიზანშეწონიალია პროცესები ნაჩქარევად არ წარიმართოს. პროკურატურაც მოუთმენლად ელოდება იმას, თუ როდის მოვაწერთ ინვესტორთან ხელს, რომ საპროცესო შეთანხმებაზე დავიწყოთ საუბარი და ყველა დაზარალებულის დაკმაყოფილების რეალური შანსი გაჩნდეს.
განაჩენის დაგდომით ორივე მხარე ზარალდება. მაქსიმალურად ვცდილობთ, პროცესები ისე წარიმართოს, რომ სანამ განაჩენი დადგება საპროცესო შეთანხმებას მივაღწიოთ და ის ხელშეკრულება იყოს ხელმოწერილი, სადაც აშკარად გამოჩნდება, რომ ყველა დაზარალებული რეალურად დაკმაყოფილდება. თორემ, მხოლოდ განაჩენით და ვინმეს პასუხისგებაში მიცემით პრობლემა რომ ვერ გვარდება, ეს ფაქტია“, - აცხადებს მარინა ცუცქირიძე.
რაც შეეხება იმას, მისცემს თუ არა შემდეგ პროცესზე გურამ რჩეულიშვილი ჩვენებას, როგორც ადვოკატი აცხადებს, ეს მისთვის ცნობილი არ არის და შესაძლოა, მომდევნო პროცესამდე ინვესტორთან მოლაპარაკეკებიც დასრუდლეს.
