პარლამენტში საკონსტიტუციო ცვლილებებს კენჭი უყარეს. ცვლილებები 115 ხმით 0-ის წინააღმდეგ პირველი მოსმენით მიღებულია. კენჭისყრა გუშინ კვორუმის არარსებობის გამო გადაიდო.
ახალი საკონსტიტუციო ცვლილებების თანახმად, 2020 წლის საპარლამენტო არჩევნებისთვის ბლოკების ერთჯერადად დაშვება იქნება უზრუნველყოფილი. ასევე, ცვლილების თანახმად, 2024 წელს ე.წ. ბონუსს სისტემა აღარ ამოქმედდება. ცვლილებები რელიგიისა და საკონსტიტუციო სასამართლოს თავებსაც ეხება. გარდა ამისა, ის ჩანაწერიც უქმდება, რომლის თანახმად, არჩევნების კონსტიტუციურობის საკითხს საკონსტიტუციო სასამართლო სიითი შემადგენლობის სრული თანხმობით წყვეტს. კონსტიტუციური პროექტით, პრეზიდენტის არჩევის ნაწილში ტერმინი „ხმოსანი“ ტერმინით – „საარჩევნო კოლეგიის წევრი“ იცვლება.
ცვლილებების მესამე მოსმენით დამტკიცებას, პარლამენტი საგაზაფხულო სესიაზე გეგმავს.
