თარიღი    დრო

ახალი ადვოკატი 22 ჩვენებას და 2 საათიან ვიდეოსიუჟეტებს უნდა გაეცნოს, რისთვისაც საკმარისი დრო მიეცა - სააკაშვილის საქმის პროკურორი

საქართველო, თბილისი - 13:25 12.14.2017 272

„ადვოკატი უნდა გაეცნოს დაახლოებით, 22 ჩვენებას და 2 საათიან ვიდეოსიუჟეტებს. ამისთვის მის მიერ 30 დღიანი ვადის მოთხოვნა იყო ძალიან ზედმეტი“, - აცხადებს სანდრო გირგვლიანის მკვლელობის საქმის პროკურორი, ირაკლი ნადარეიშვილი.

როგორც ნადარეიშვილი განმარტავს, საქმის მასალების გასაცნობად და დასკვნითი სიტყვის მოსამზადებლად, სასამართლოს მიერ განსზღვრული ერთკვირიანი ვადა ადვოკატისთვის სრულიად საკმარისი უნდა იყოს.  

„სასამართლო განხილვები მიმდინარეობს მხარეთა შეჯიბრებითობის პრინციპით და შესაბამისად, ბრალდების მხარეს ერთ კვირიანი ვადა განესაზღვრა დასკვნითი სიტყვის წარმოსათქმელად. ბრალდების მხარე ჩაეტია ერთ კვირიან ვადაში, ასევე უნდა ჩაეტიოს დაცვის მხარე.

დაცვის მხარის ტაქტიკის მონაწილე შესაძლოა, პირდაპირ არაა ახალი ადვოკატი, მაგრამ ის დაიცავს დასაცავის ინტერესებს და გაიზიარებს მისი დაცვის ქვეშ მყოფის ტაქტიკას. ბრალდებულის ტაქტიკაა, პროცესების გაჭიანურება“, - აცხადებს ნადარეიშვილი.

დღეს თბილისის საქალაქო სასამართლოში საქართველოს ყოფილ პრეზიდენტს, მიხეილ სააკაშვილს საზოგადოებრივი ადვოკატი დაენიშნა. სოფიო გოგლიჩიძე პროცესზე დღეს პირველად გამოცხადდა. 

სააკაშვილმა ქართულ მართლმსაჯულებას უნდობლობა გამოუცხადა და ადვოკატები აიცილა.

შეგახსენებთ, რომ სანდრო გირგვლიანის მკვლელობის საქმის ერთ-ერთ ეპიზოდზე ყოფილ პრეზიდენტს სახელმწიფო ბრალება უფლებამოსილების ბოროტად გამოყენებას ედავება. 

შემდეგი სასამართლოს ხდომა 22 დეკემბერს ჩაინიშნა.




komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%