პარლამენტის ვიცე-სპიკერ გია ვოლსკის შეფასებით, მიხეილ სააკაშვილმა გირგვლიანის საქმეზე მისი ადვოკატები წაგებულ საქმეს განარიდა.
„სააკაშვილმა ადვოკატები იმ საქმეს განარიდა, რომელიც აპრიორში წაგებულია. გავრცელებული ხმები იმის თაობაზე, რომ ეს თითქოს პიჯაკებს ეხება, სინამდვილეს არ შეესაბამება, რადგან მის მიმართ სერიოზული ბრალდებებია წაყენებული”, – განაცხადა ვოლსკიმ.
საქართველოს ყოფილმა პრეზიდენტმა მიხეილ სააკაშვილმა სანდრო გირგვლიანის მკვლელობის საქმის ერთ-ერთ ეპიზოდზე მიმდინარე პროცესზე ადვოკატები აიცილა.
სანდრო გირგვლიანის საქმეზე მიხეილ სააკაშვილის ახალმა ადვოკატმა სოფიო გოგლიჩიძემ საქმის მასალების გასაცნობად სასამართლოს ერთი თვე სთხოვა, თუმცა მოსამართლემ ამისთვის 9-დღიანი ვადა მისცა.