„ერთიანი ნაციონალური მოძრაობა“ საქართველოს ყოფილი პრეზიდენტისა და ოდესის ოლქის ყოფილი გუბერნატორის, მიხეილ სააკაშვილის მიმართ "პოლიტიკური დევნის შეწყვეტის მოთხოვნით" ხელმოწერებს აგროვებს.
როგორც პარტიის წევრმა, ზაალ უდუმაშვილმა აღნიშნა, მათ სურთ, ქართველი ხალხის ნება აჩვენონ და ხელმოწერების რომელიმე სახელმწიფო სტრუქტურაში შეტანას არ აპირებენ.
"იმ პროცესებს, რომლებსაც თვალ-ყურს ვადევნებთ, არანაირი კავშირი არ აქვს სასამართლოსთან და სამართალთან ისევე, როგორც არანაირი კავშირი არ აქვს სამართალთან ქართულ სასამართლოს. ეს პროცესები ანგრევს საქართველოს დემოკრატიულ განვითარებას და ძირს უთხრის სახელმწიფოს ინსტიტუტებს”, – განაცხადა ზაალ უდუმაშვილმა.