კანადამ უკრაინისთვის ლეტალური იარაღის მიწოდებაზე შეზღუდვა გააუქმა. კანადის მთავრობის ინფორმაციით, კანადიდან შესაძლებელი იქნება უკრაინაში ავტომატური ცეცხლსასროლი იარღის ექსპორტი. ამისათვის იარაღის მწარმოებელმა კომპანიებმა შესაბამისი განაცხადით უნდა მიმართონ ხელისუფლებას, რომელიც შეისწავლის, შეესაბამება თუ არა ეს ქვეყნის თავდაცვით და საგარეო პოლიტიკას.
კანადის მთავრობის გადაწყვეტილებას უკვე გამოეხმაურა უკრაინის პრეზიდენტი პეტრო პოროშენკო.
„ერთიანი ფრონტით ვაგრძელებთ უსაფრთხოების სფეროში ჩვენი თანამშრომლობის გაძლიერებას აგრესიისთვის წინააღმდეგობის გასაწევად და უკრაინის სუვერენიტეტისა და ტერიტორიული მთლიანობის აღსადგენად“, – დაწერა პოროშენკომ სოციალურ ქსელ „ფეისბუქში“. მან მხარდაჭერისთვის კანადას და აშშ-ს მადლობა გადაუხადა.
აშშ-ის სამხედრო ბიუჯეტში უკრაინისთვის იარაღის მიწოდებისთვის 350 მილიონი დოლარია გათვალისწინებული.