თარიღი    დრო

2014-15 წლები იყო საქართველოს რკინიგზისთვის საუკეთესო, ეს არ არის ჩემი სიტყვები, დიდი ოთხეულის აუდიტორული ამონაწერი KPMG-ის ამოიღეთ და ნახავთ ამ ციფრებს - მამუკა ბახტაძე

საქართველო, თბილისი - 18:51 12.13.2017 299

ნებისმიერი კომპანიის კაპიტალიზაცია და წარმატებულობა განისაზღვრება მისი საოპერაციო მოგებით და ეგრეთწოდებული მარჟებით, რაც ამ კომპანიას აქვს, - განაცხადა ფინანსთა მინისტრმა, მამუკა ბახტაძემ სს საქართველოს რკინიგზის საქმიანობის შეფასებისას, დეპუტატ რომან გოცირიძის კითხვაზე საპასუხოდ.

„თქვენც, როგორც ეკონომისტი შემოხვედით ამ იდეით და ორი სხვადასხვა ციფრი შეადარეთ ერთმანეთს, რაც პრინციპულად არასწორია. აქვე გაისმა საკითხი, რომ ბოლო წლებში რკინიგზამ დაკარგა თავის ტრანზიტული პოტენციალი, სხვებმა გაასწრეს და ა. შ. ჩვენ რომ არ ვიყოთ ერთმანეთის მიმართ სუბიექტური, ძალიან მარტივ გამოსავალს გთავაზობთ. აუცილებელი ის კი არ არის, რკინიგზის ყოფილი ხელმძღვანელი რას ამბობს იმ კომპანიაზე, რომელსაც ხელმძღვანელობდა, ან ადამიანი, რომელიც პოლიტიკურ შფასებას აკეთებს, აუცილებელია ინვესტორი რას ფიქრობს, ამ შემთხვევაში საფონდო ბირჟა, სადაც საქართველოს რკინიგზის ბონდები კვოტირებს და ჩვენ ვართ საუკეთესოები ამ შემთხვევაში," - განაცხადა მამუკა ბახტაძემ.

მისი თქმით, გაუგებარია რომელი ტრანზიტული პოტენციალის დაკარგვაზე საუბარი, როდესაც ამ ტრანზიტული გზის გასწვრივ, რაც კი რკინიგზებია და ქვეყნებია ყველაზე საუკეთესო მაჩვენებელი აქვს საქართველოს რკინიგზას.

„ეს ძალიან გაუგებარია ჩემთვის. მეორე-კომპანიის მოგებას რაც შეეხება, ეს არის საქართველოს რკინიგზის მარჟები და როცა ჩვენ ვსაუბრობთ 2014-15 წლები იყო საქართველოს რკინიგზისთვის საუკეთესო, ეს არ არის ჩემი სიტყვები, დიდი ოთხეულის აუდიტორული ამონაწერი KPMG- ის ამოიღეთ და ნახავთ ამ ციფრებს . ვიცი, რომ შემდეგი კითხვა თქვენი იქნება, რომ საქართველოს რკინიგზა აწარმოებს თავის ფინანსურ ანგარიშგებას ლარში და კურსს როგორ შეძლო ამაზე გავლენა მოეხდინა, და ბუნებრივია მოახდინა და წინასწარ გპასუხობთ ამ შეკითხვაზეც, თქვენ ხედავთ მონაცემებს, სადაც ჩანს რთული პროცენტით საქართველოს რკინიგზის პერფორმანსი სხვა რკინიგზებთან შედარებით და ხედავთ აქაც ვინ არის პირველ ადგილზე. ეს რაც შეეხება საქართველოს რკინიგზის, როგორც ტრანზიტული ორგანიზაციის ფუნქციას და რაც მან ამ ბოლო წლებში შეძლო. ამავე დროს, მინდა დავუბრუნდე ძალიან მნიშვნელოვან საკითხს სატრანზიტო კუთხითაც. ალბათ იმაში არ შემეწინააღმდეგებით, რომ საქართველოს რკინიგზა არის სატრანზიტო პოტენციალის ძალიან მნიშვნელოვანი ობიექტი, მაგრამ არის თუ არა მილსადენები, რომელიც ასევე საქართველოზე გადის სატრანზიტო პოტენციალის ნაწილი-არის. ნახეთ მილსადენების მონაცემები ბოლო 3-4 წლის განმავლობაში.

ბუნებრივია, როცა ნავთობი 100დოლარი ღირდა, პრემიალური გაყიდვის მიზნით მას რკინიგზაზე გადაადგილება ერჩივნა და როცა ჩამოვიდა 50 დოლარზე, მან აირჩია მისთვის უფრო ოპტიმალური ტრანსპორტი, მაგრამ ეს იმას კი არ ნიშნავს, რომ საქართველომ დაკარგა ეს ტვირთი, უბრალოდ მილსადენებში გადავიდა და მილსადენებიისეთივე სატრანზიტო ნაწილია ჩვენი ქვეყნის, როგორც საქართველოს რკინიგზა," - აღნიშნა მამუკა ბახტაძემ.




konfliqtebi

ყველა სიახლის ნახვა...

sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.5%
შემცირდა 12.5%
არ შეცვლილა 3%