14 დეკემბრის საჯარო სხდომაზე საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) იმსჯელებს წყალმომარაგების სექტორში მოქმედი კომპანიების შპს „ჯორჯიან უოთერ ენდ ფაუერის“, შპს „მცხეთის წყალის“, შპს „რუსთავის წყალის“ 2018-2020 წლების საინვესტიციო გეგმებზე. ამავე სხდომაზე კომისია განიხილავს „ჟინვალჰესის“ 2017-2019 წლების საინვესტიციო გეგმებს.
სხდომაზე ასევე გაგრძელდება მსჯელობა სს „ენერგო პრო ჯორჯიას“ მიერ 2018-2020 წლების საინვესტიციო გეგმების კომისიასთან შეთანხმების შესახებ.
სხდომა დაიწყება 11:00 საათზე. სხდომა საჯაროა და დასწრება შეუძლია ნებისმიერ დაინტერესებულ პირს.