თარიღი    დრო

მტკვრის ქუჩაზე  აღმოჩენილი სიძველის მდგომარეობას მერიისა და კულტურული მემკვიდრეობის დაცვის სააგენტოს წარმომადგენლები გაეცნენ

საქართველო, თბილისი - 17:35 12.12.2017 282

მტკვრის ქუჩის N1-ის მიმდებარე ტერიტორიაზე, საინჟინრო-საკომუნიკაციო სამუშაოების წარმოებისას აღმოჩენილი ძველი აგურის წყობით ნაშენი კედლების ისტორიული კვლევა მიმდინარეობს.

ფაქტის შესწავლის მიზნით, დღეს ადგილზე თბილისის მერის მოადგილე ირაკლი ბენდელიანი, თბილისის განვითარების ფონდის დირექტორი გიორგი ბაიდარაშვილი, კულტურისა და ძეგლთა დაცვის მინისტრის მოადგილე ლევან ხარატიშვილი, კულტურული მემკვიდრეობის დაცვის ეროვნული სააგენტოს ხელმძღვანელი ნიკოლოზ ანთიძე და კულტურული მემკვიდრეობის დაცვის საბჭოს წარმომადგენლები იმყოფებოდნენ.

სპეციალისტების მხრიდან გამოითქვა მოსაზრება, რომ აღნიშნული აგურის კედლის წყობა ისტორიულად შესაძლოა, მე-19 საუკუნის კოლექტორი იყოს, რომელიც საკომუნიკაციო სისტემებით მტკვარს უერთდებოდა. კოლექტორი საბჭოთა პერიოდში დაზიანდა, თუმცა მისი  ძირითადი ნაწილი შემორჩენილია.

თბილისის მერიისა და კულტურული მემკვიდრეობის დაცვის ეროვნული სააგენტოს ხელმძღვანელთა შეთანხმებით, ერთი კვირის ვადაში, კულტურული მემკვიდრეობის სააგენტო მოამზადებს მიდგომას, თუ როგორი ფორმით წარიმართება შემდგომი სამუშაოები. გამოითქვა სურვილი, რომ აღნიშნული ისტორიული ნაწილის ვიზუალიზაცია  მოხდეს და  მისი კონსერვაცია ჩატარდეს.

ისტორიული კვლევის დასრულებამდე, უსაფრთხოების მიზნით, აღნიშნული ტერიტორიის შემოღობვა მოხდება, ხოლო შემდგომი სამუშაოები საბოლოო დასკვნის მიხედვით გაგრძელდება.

 

 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.5%
შემცირდა 12.5%
არ შეცვლილა 3%