გორში, ჭალის დასახლებაში გარდაცვლილ დედა-შვილის ცხედრებს ამ დრომდე ლევან სამხარაულის სახელობის სასამართლო ექსპერტიზის ბიუროში ექსპერტიზა უტარდებათ.
მეზობლების ინფორმაციით, მას შემდეგ, რაც დედა-შვილთან დაკავშირება ვერ მოხერხდა, გარდაცვლილი გოგონას საქმრო და მეზობელი ბინაში აივნიდან შევიდნენ და ცხედრები აღმოაჩინეს. არცერთ მათგანს ძალადობის კვალი არ აღენიშნებოდა, დედა სავარძელში იჯდა, შვილი კი გვერდით იატაკზე ნახეს. ბუნებრივი აირის გაჟონვას მეზობლები გამორიცხავენ, რადგან ოჯახი იქ არ ცხოვრობდა სისტემატიურად და ბინაში გაზი არ იყო შეყვანილი. მათივე ინფორმაციით, გოგონა წინა დღეს შეუძლოდ იყო და სასწრაფო დახმარების ბრიგადამ მას დახმარება ბინაზევე გაუწია.
გამოძიება სისხლის სამართლის კოდექსის 115-ე, თვითმკვლელობამდე მიყვანის მუხლით მიმდინარეობს.