უკრაინული მხარისგან ჯერჯერობით არ მიგვიღია რაიმე პასუხი ექსტრადიციის მოთხოვნაზე, - ამის შესახებ იუსტიციის მინისტრმა განაცხადა. თეა წულუკიანის თქმით, ახლა ყველა საქართველოს ყოფილი პრეზიდენტისა და ოდესის ოლქის ყოფილი გუბერნატორის წინააღმდეგ უკრაინაში მიმდინარე სამართლებრივი პროცესის მოლოდინშია.
„ჩვენ უკრაინული მხარისგან ჯერჯერობით არ მიგვიღია რაიმე ტიპის პასუხი ექსტრადიციის მოთხოვნაზე. უკრაინაში მიმდინარე პროცესებს ყველანი ერთად ვაკვირდებით მედიასაშუალებების დახმარებით. ვხედავთ, რომ დაკავებულის მიმართ უკრაინაშიც მიმდინარეობს სისხლის სამართლებრივი პროცესი. ამ საკითხზე, რა თქმა უნდა, უკრაინული კომპეტენტური ორგანოების გადაწყვეტილების მოლოდინშია უკრაინაში ყველა“, – აღნიშნა წულუკიანმა.
აღმასრულებელ ხელისუფლებაში ასევე აცხადებენ, რომ ხელისუფლების ინტერესია, ნებისმიერმა ბრალდებულმა საკუთარი უდანაშაულობა, ტელევიზიის ნაცვლად სასამართლოში დაამტკიცოს. დეპუტატების შეფასებით კი ექსპრეზიდენტი სააკაშვილი საქართველოში აქტუალური აღარ არის.
11 დეკემბერს ოდესის ყოფილი გუბერნატორი მიხეილ სააკაშვილი კიევის რაიონული სასამართლოს გადაწყვეტილებით, პატიმრობიდან გათავისუფლდა.