თარიღი    დრო

კურორტ "გოდერძიზე" 16 მლნ ლარის 4 ახალი საინვესტიციო პროექტი იწყება

საქართველო, თბილისი - 12:08 12.11.2017 1054

კურორტ "გოდერძიზე" 16 მლნ ლარის 4 ახალი საინვესტიციო პროექტი იწყება. აჭარის ფინანსთა და ეკონომიკის სამინისტროს ინფორმაციით, კურორტ „გოდერძიზე“ დამატებით 4 საინვესტიციო პროექტის დაწყების შესახებ ხელშეკრულება გაფორმდა.

4 ახალი საინვესტიციო პროექტი ითვალისწინებს 15 მლნ 790 ათასი ლარის ინვესტიციას, რომლის ფარგლებშიც 254 სასტუმრო ნომერი აშენდება.

სასტუმროების მშენებლობის პროცესში 360, ხოლო დასრულების შემდეგ 75 ადგილობრივი დასაქმდება

ახალი საინვესტიციო პროექტების ჩამონათვალი ასე გამოიყურება:
1. შპს "ნიუ გოდერძი" - 4 000 000 ლარი ინვესტიცია,100 ნომრიანი სასტუმრო, მშენებლობის პროცესში 70, მშენებლობის დასრულების შემდეგ -15 ადამიანი დასაქმდება. 
2. შპს "გთემ გროუპი"- 4 500 000 ლარი ინვესტიცია, ტბის მოწყობა და 14 კოტეჯის ამოქმედება, მშენებლობის პროცესში 60, ხოლო მშენებლობის დასრულების შემდეგ-20 ადამიანი დასაქმდება. 
3. შპს „ARINA’S PLACE” -1 200 000 აშშ დოლარი ინვესტიცია, 15 კოტეჯი (ჯამში 32 ნომრიანი), მშენებლობის პროცესში 30, მშენებლობის დასრულების შემდეგ-15 ადამიანი დასაქმდება. 
4. შპს "ნიუ თაიმ" - 1 500 000 აშშ დოლარი ინვესტიცია, 90 ნომრიანი სასტუმრო კომპლექსი, მშენებლობის პროცესში 200, მშენებლობის დასრულების შემდეგ - 25 ადამიანი დასაქმდება.

აჭარის ფინანსთა და ეკონომიკის სამინისტროში აცხადებენ, რომ კურორტ "გოდერძის" ეკონომიკური განვითარების ახალი ეტაპი დაიწყო. უკვე დასრულდა პრივატიზების ერთი ეტაპი.
ამ ეტაპზე კურორტზე 6 მაღალი დონის სასტუმრო კომპლექსის მშენებლობა უკვე მიმდინარეობს:
►ჯამური საინვესტიციო ღირებულება დაახლოებით 80 მილიონ ლარი
►500 ახალი სამუშაო ადგილი
►435 განთავსების ადგილი

✔კურორტის განვითარება განაშენიანების რეგულირების გეგმის ფარგლებში ხორციელდება.
✔გოდერძის სათხილამურო გზის საერთო სიგრძე 8 კილომეტრია. 
✔ყველაზე მაღალი სადგური კი ზღვის დონიდან 2366 მეტრ სიმაღლეზე მდებარეობს.




komentari

ყველა სიახლის ნახვა...

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%