მიხეილ სააკაშვილის ადვოკატი რუსლან ჩერნოლუცკი ადასტურებს გავრცელებულ ინფორმაციას სააკაშვილის ავადმყოფობის შესახებ და აცხადებს, რომ ის სახურავზე ყოფნისას გაცივდა.
„ის მართლაც ცუდად გრძნობდა თავს, როდესაც მისი დაკავება ხდებოდა. ის სახურავზე ყოფნისას გაცივდა და როგორც ვიცი, ხმა არ აქვს. გუშინ ის თავს ძალიან ცუდად გრძნობდა. არის ინფორმაცია, რომ მისი მდგომარეობა გაუარესდა, თუმცა რა სიმპტომები აქვს, არ ვიცი“, - აღნიშნა ადვოკატმა.
აღსანისნავია, რომ დღეს მიხეილ სააკაშვილი არ გამოჩენილა და მას არ მიუმართავს თავისი მხარდამჭერებისთვის, თუმცა ,,რუსთავი 2” - ის ინფორმაციით, სააკაშვილი დღის ბოლოს, საღამოს 6 საათისთვის აქციაზე მივა.