საქართველოს შინაგან საქმეთა მინისტრის, გიორგი გახარიას განცხადებით, ის რომ დღეს მხოლოდ საქართველოს მოქალაქეა, აბსოლუტურად გააზრებული გადაწყვეტილება იყო.
მინისტრმა აღნიშნული განმარტება ჟურნალისტების შეკითხვის , რამდენად შეესაბამება სიმართლეს გავრცელებული ინფორმაცია, რომ მან 2000 წელს რუსეთის მოქალაქეობა მიიღო, საპასუხოდ გააკეთა.
„ეს საკითხი ძალიან აქტუალური ხდება. ერთხელ პირდაპირ ეთერში მაქვს გაცემული პასუხი და კიდევ ერთხელ გავცემ - დღეს მე ვარ მხოლოდ და მხოლოდ საქართველოს მოქალაქე და ის, რომ მე დღეს ვარ მხოლოდ და მხოლოდ საქართველოს მოქალაქე, იყო აბსოლუტურად გააზრებული გადაწყვეტილება, წერტილი“, - განაცხადა გახარიამ.