კატალონიის ყოფილი ლიდერი ბრიუსელში მხარდამჭერებს შეხვდა. კარლეს პუჩდემონის მხარდასაჭერად სასტუმროში, სადაც ის იმყოფება, ასობით აქტივისტი მივიდა. ჟენერალიტეტის ყოფილი ლიდერი ბელგიას თავს მას შემდეგ აფარებს, რაც მადრიდმა კატალონიის მიერ გამოცხადებული დამოუკიდებლობის დეკლარაცია გააუქმა და რეგიონის ლიდერების წინააღმდეგ საქმე აღძრა. ესპანეთის ხელისუფლებამ ბრიუსელს პუჩდემონისა და ყოფილი მინისტრების დაკავების თხოვნითაც მიმართა, თუმცა მოგვიანებით დაპატიმრების ორდერი უკან გაიწვია.