თარიღი    დრო

დეკანოზი გიორგი მამალაძე კვლავ ცდილობს ჩაგრულის როლში მოვლინებას - პროკურორი

საქართველო, თბილისი - 15:19 12.06.2017 193

"დეკანოზი გიორგი მამალაძე კვლავ ცდილობს ჩაგრულის როლში მოვლინებას", - ამის შესახებ ე.წ ციანიდის საქმის პროკურორმა ზვიად გუბელაძემ დღევანდელი პროცესის დასრულების შემდეგ განაცხადა.
მისივე თქმით, გიორგი მამალაძის დაკითხვა სრულად არის გადაღებული ვიდეოზე, რომლის გასაჯაროვებაც, თავად დეკანოზმა არ მოისურვა.
"ბრალდების მხარემ დავაყენეთ შუამდგომლობა, სასამართლო პროცესის დახურვასთან დაკავშირებით, თბილისის სააპელაციო სასამართლომ მიიჩნია, რომ სისხლის სამართლის საქმეში მონაწილე პირების პირადი ცხოვრებისა და მათი უსაფრთხოების დაცვის მიზნით, სასამართლო პროცესები სრულად უნდა დაიხუროს. აღნიშნულ გადაწყვეტილებას ვეთანხმებით და მიგვაჩნია, რომ დასაბუთებული და კანონიერია. დაცვის მხარემ დააყენა შუამდგომლობა მოწმე ირაკლი ფირცხალავას დაკითხვასთან დაკავშირებით. სასამართლომ მიიჩნია, რომ აღნიშნული შუამდგომლობა იყო დაუსაბუთებელი და უკანონო. ის არ დააკმაყოფილა და განმარტა, რომ ირაკლი ფირცხალავას მიერ მიცემული ჩვენება არის საქმეში. და საბოლოო ეტაპზე, როცა სათათბიროდ გავა მიიღებს გადაწყვეტილებას, დაეყრდნობა თუ არა აღნიშნული მოწმის მიერ მიცემულ ჩვენებას", - განაცხადა პროკურორმა.
რაც შეეხება დეკანოზის მიერ გაჟღერებულ განცხადებას, იმასთან დაკავშირებით, რომ სასურველი ჩვენების მისაცემად მასზე ზეწოლა ხორციელდებოდა, პროკურორი ურყოფს და აღნიშნავს, რომ დეკანოზი საზოგადოების შეცდომაში შეყვანას ცდიოლობს.
"ამასთან დაკავშირებით, ჩვენ თბილისის საქალაქო სასამართლოში არაერთხელ გავაკეთეთ განცხადება და კიდევ ერთხელ გავიმეორებ - გიორგი მამალაძის დაკითხვა მისი ოთახში შემოსვლიდან დაწყებული, გასვლით დამთავრებული სრულად არის გადაღებული ვიდეოზე. ამას ესწრებოდა 3 ადვოკატი, აღნიშნულ ვიდეო ჩანაწერში მსგავსი მუქარის შემცველი ელემენტები არ ფიგურირებს, ხაზგასმით მინდა განვმარტო, რომ გიორგი მამალაძემ განაცხადა უარი ამ ვიდეო ჩანაწერის გამოკვლევაზე და განმარტა , რომ ის იყენებდა მისთვისს კანონით მინიჭებულ უფლებამოსილებას - არ გამოქვეყნებულიყო ეს ჩანაწერი. დეკანოზი მამალაძე ცდილობს საზოგადოება შეცდომაში შეიყვანოს და თავი დაჩაგრულად წარმოაჩინოს. წინააღმდეგ შემთხვევაში, მან განაცხადოს თანხმობა და ეს ვიდეოჩანაწერი საჯაროდ გამოვაქვეყნოთ - ყველა ნახავს, რომ არც პროკურორის და არც გამომძიებლის მხრიდან, მასზე არანაირი მუქარა არ განხორციელებულა. ის კვლავ ცდილობს საზოგადოების შეცდომაში შეყვანას და ჩაგრულის როლში მოვლინებას", - განაცხადა გუბელაძემამ.
თბილისის სააპელაციო სასამართლოსი ე.წ. ციანიდის საქმის განხილვა დასრულდა. შემდეგი პროცესი 20 დეკემბერს არის ჩანიშნული. პროცესი მხარეების შუამდგომლობის დაყენებით განახლდება.




sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%