საერთაშორისო ტრიბუნალის გადაწყვეტილებას ბოსნიელი სერბების ყოფილი გენერლის, რადკო მლადიჩისთვის სამუდამო პატიმრობის მისჯის შესახებ ევროკავშირი მიესალმება. საგანგებო განცხადება ევროკავშირის საგარეო პოლიტიკიის კოორდინატორმა ფედერიკა მოგერინიმ გაავრცელა.
„დღევანდელი გადაწყვეტილება ეხებოდა ბოსნია ჰერცეგოვინაში განვითარებულ მოვლენებს, რომელიც ერთ-ერთი ყველაზე მძაფრი და ტრაგიკული იყო ევროპის ისტორიაში. მართლმსაჯულება და დანაშაულთან ბრძოლა საყოველთაო ვალდებულებაა. ჩვენ ვერ გავაკეთებთ კონკრეტულ გადაწყვეტილებებზე შეფასებებს, თუმცა პატივს ვცემთ და ვეთანხმებით ტრიბუნალის მიერ გამოტანილ განაჩენს,“-აღნიშნა მოგერინიმ.
