თარიღი    დრო

ირაკლი კობახიძემ ბელარუსის რესპუბლიკაში ვიზიტი დაასრულა

საქართველო, თბილისი - 18:05 11.22.2017 147

საქართველოს პარლამენტის თავმჯდომარემ ბელარუსის რესპუბლიკაში ოფიციალური ვიზიტი დაასრულა. ვიზიტის ფარგლებში, ბოლო შეხვედრა ირაკლი კობახიძემ ქვეყნის პრემიერ-მინისტრთან - ანდრეი კობიაკოვთან გამართა.

მხარეებმა ორმხრივი ურთიერთობების შესახებ ისაუბრეს და თანამშრომლობის გაღრმავების სხვადასხვა მიმართულებები განიხილეს. ხაზგასმით აღინიშნა ქვეყნებს შორის მჭიდრო პოლიტიკური და ეკონომიკური თანამშრომლობის მნიშვნელობა.

შეხვედრის დასრულების შემდეგ, გამართული შეხვედრები საქართველოს პარლამენტის თავმჯდომარემ ჟურნალისტებთან საუბრისას შეაჯამა. მისი შეფასებით, ბელარუსში საინტერესო და პროდუქტიული ვიზიტი შედგა.

„გვქონდა ძალიან საინტერესო შეხვედრები რესპუბლიკის პრეზიდენტთან, პრემიერთან, პარლამენტის ორივე პალატის თავმჯდომარესთან. ვისაუბრეთ ჩვენს პოლიტიკურ და ეკონომიკურ თანამშრომლობაზე. ასევე, განვიხილეთ კონკრეტული მიმართულებები, კონკრეტული პროექტებიც კი, მათ შორის, ჩვენი ეკონომიკური თანამშრომლობის. საუბარი გვქონდა ჩვენი პოლიტიკური თანამშრომლობის კიდევ უფრო გაღრმავებაზე",- განაცხადა ირაკლი კობახიძემ.

ირაკლი კობახიძე, საპარლამენტო დელეგაციასთან ერთად, ბელარუსის რესპუბლიკაში სამდღიანი ოფიციალური ვიზიტით იმყოფებოდა.

დელეგაციის შემადგენლობაში პარლამენტის წევრები: სოფიო ქაცარავა, ირაკლი კოვზანაძე, გიორგი ბეგაძე, კობა კობალაძე, ლაშა დამენია, ალექსანდრე ქანთარია და საქართველოს პარლამენტის თავმჯდომარის კაბინეტის უფროსი ნიკოლოზ სამხარაძე შედიან.




sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%