ქუთაისში, დემოკრატიის სკოლაში (EECMD) საჯარო ლექცია “ბედნიერების მსოფლიო ინდექსი” გაიმართა.
ლექციას მოწვეული სპიკერი, ქუთაისის მუნიციპალიტეტის მერის მრჩეველი, მუნიციპალიტეტის საკრებულოს ყოფილი წევრი და საფინანსო-საბიუჯეტო კომისიის თავმჯდომარე, აშშ-ის რეგისტრირებულ ლობისტთა ასოციაციის საპატიო წევრი მამუკა ჭონიშვილი უძღვებოდა.
შეხვედრაზე განიხილეს ისეთი საკითხები, როგორიცაა ქვეყნების მმართველობის ფორმის გავლენა ბედნიერების ინდექსზე. ასევე, როგორ ასახავს მხატვრული ლიტერატურა ბედნიერების ამ ინდექსის მაჩვენებელს ქვეყნების მიხედვით და სად არის საქართველოს ადგილი ბედნიერების სკალაზე.
“განსაკუთრებით საინტერესო იყო ურთიერთდამოკიდებულება ბედნიერებასა და დემოკრატიას შორის და კვლევის შედეგების განხილვა, თუ რატომ ცხოვრობს უფრო ბედნიერი ხალხი ძირითადად დემოკრატიულ ქვეყნებში და რა სახის გამონაკლისები არსებობს ამ მიმართულებით და რა შეიძლება იყოს ამის მიზეზი. გავაანალიზეთ რატომ არის საქართველო 125-ე ადგილზე 155 ქვეყნიდან და დაწინაურების რა პერსპექტივა გვაქვს უახლოეს პერიოდში. სხვადახვა თემაზე ღია ფორმატში სასაუბროდ და მსჯელობისთვის მსგავსი შეხვედრები მომავალში ისევ გაიმართება”, - აღნიშნავს შეხვედრის ორგანიზატორი, ქუთაისის დემოკრატიის სკოლის კოორდინატორი თემურ ჯვარშეიშვილი.