გაეროს საერთაშორისო ტრიბუნალმა ბოსნია და ჰერცეგოვინაში 1992-1995 წლებში ჩადენილ სამხედრო დანაშაულში ბრალდებული გენერალი რატკო მლადიჩი დამნაშავედ ცნო და მას სამუდამო პატიმრობა მიუსაჯა. 74 წლის მლადიჩს გენოციდსა და კაცობრიობის წინააღმდეგ დანაშაულის ჩადენაში დასდეს ბრალი. ყოფილი გენერალი საერთაშორისო მართლმსაჯულებას 16 წლის განმავლობაში ემალებოდა, 2011 წელს კი ის სერბეთში დააპატიმრეს და გაეროს საერთაშორისო ტრიბუნალს გადასცეს.