ნიცაში რუსეთის ფედერაციის საბჭოს წევრი, ცნობილი მილიარდერი სულეიმან კერიმოვი დააკავეს. საფრანგეთში რუსეთის საელჩოს ინფორმაციით, კერიმოვი აეროპორტში 20 ნოემბრის საღამოს დააპატიმრეს და პოლიციის განყოფილებაში გადაიყვანეს.
როგორც პარლამენტის ზედა პალატის წევრს, კერიმოვს უცხო ქვეყნის ტერიტორიაზე იმუნიტეტი იცავს, თუმცა როგორც ირკვევა, ბიზნესმენი საფრანგეთში პირად საქმეზე იმყოფებოდა.
სენატორის დაკავების ოფიციალური მიზეზი ჯერჯერობით უცნობია. სააგენტო Reuters-ი საფრანგეთის პროკურატურაზე დაყრდნობით იტყობინება, რომ კერიმოვი საგადასახადო თაღლითობის საქმეზე დააკავეს.