ვიცით, რომ გარკვეული ზომებია მიღებული, რათა სპეცოპერაციის დროს ხალხი არ დაზარალდეს, ყველაზე მნიშვნელოვანია მათი უსაფრთხოება, – ამის შესახებ საქართველოში ამერიკის შეერთებული შტატების ელჩმა იან კელიმ თბილისში, გაბრიელ სალოსის ქუჩაზე მიმდინარე სპეცოპერაციაზე კომენტირებისას აღნიშნა.
მისი თქმით, ორი საკითხია, პირველი ოპერაციის დროს არ უნდა დაშავდეს არავინ, მეორე – სპეცოპერაციის დასრულების შემდეგ, სამართალდამცავებმა საზოგადოებას ინფორმაცია უნდა მიაწოდონ.
“ყველაზე მეტად გვაღელვებს უსაფრთხოება, პროცესს ყურადღებით ვაკვირდებით. ვიცით, რომ გარკვეული ზომებია მიღებული, რათა სპეცოპერაციის დროს ხალხი არ დაზარალდეს, ყველაზე მნიშვნელოვანია მათი უსაფრთხოება. ორი საკითხია, პირველი ოპერაციის დროს არ უნდა დაშავდეს არავინ, მეორე – სპეცოპერაციის დასრულების შემდეგ, სამართალდამცავებმა საზოგადოებას ინფორმაცია უნდა მიაწოდონ”, – განაცხადა იან კელიმ.
ცნობისთვის, ადგილზე სროლის ხმა ისმის. ტერიტორიაზე რამდენიმე წუთის წინ სახანძრო მანქანა შევიდა. ადგილიდან დაჭრილი სპეცრაზმელი გაიყვანეს.
შეგახსენებთ, ბერი გაბრიელ სალოსის ქუჩაზე გვიან ღამიდან მოყოლებული, სპეცოპერაცია მიმდინარეობს.
ადგილზე რჩება საპატრულო პოლიციის რამდენიმე ეკიპაჟი. სამართალდამცავების ნაწილი იმ კორპუსის მეორე სართულზე იმყოფება, სადაც სპეცოპერაცია მიმდინარეობს.
არსებული ინფორმაციით, 46 კორპუსის მე-3 სართულზე შეიარაღებული პირები იმყოფებიან, სადაც მათი აყვანის ოპერაცია მიმდინარეობს.