თარიღი    დრო

ვანო მერაბიშვილმა გამიწია რეკომენდაცია - დათა ახალაია

საქართველო, თბილისი - 12:56 11.22.2017 538

"მიხეილ სააკაშვილთან ახლო ურთიერთობაში არ ვარ", - ამის შესახებ კუდის ყოფილმა უფროსმა დათა ახალაიამ დისტანციური დაკითხვისას განაცხადა. 

ამ წუთებში ახალაიას დაკითხვას ბრალდების მხარე აწარმოებს.

"თუ პრეზიდენტთან შეხვედრა მქონდა, სახელმწიფო უსაფრთხოებას ეხებოდა და საქმეზე ინფორმირებული ჩემი მინისტრიც იყო. მიხეილ სააკაშვილთან ახლო ურთიერთობაში არ ვარ", - განაცხადა ახალაიამ.

პროკურორის კითხვაზე, პრეზიდენტის სამეგრელოში ვიზიტისას, ის თქვენს მამისეულ სახლს ხშირად სტუმრობდა? ახალაიამ უპასუხა: 

არ ვიცი, ინფორმაცია არ მაქვს. 

ხოლო კითხვაზე, რა დამსახურებით დაინიშნეთ მე-5 კურსის სტუდენტი თანამდებობებზე, ვინ იყო თქვენი რეკომენდატორი? 

ახალაიამ უპასუხა, რომ ვანო მერაბიშვილმა გაუწია რეკომენდაცია.

დათა ახალაია თვლის, რომ აღნიშნულ თანამდებობაზე ის დამსახურების მიხედვით დაინიშნა.

ამ წუთებში, თბილისის საქალაქო სასამართლოში სანდრო გირგვლიანის საქმეზე, მიხეილ სააკაშვილის ბრალდების განხილვა მიმდინარეობს. საქმეზე კუდის ყოფილი უფროსი, დათა ახალაიას "სკაიპით" იკითხება. 

მოწმის დისტანციურად დაკითხვის თაობაზე შუამდგომლობა დაცვის მხარემ დააყენა, რაც მოსამართლემ დააკმაყოფილა. 

გირგვლიანის საქმეზე მიხეილ სააკაშვილს ბრალი სამსახურებრივი უფლებამოსილების ბოროტად გამოყენების მუხლით აქვს წაყენებული.

 




sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%