შოტანდიაში აფხაზთა ხსოვნის მემორიალი აიღეს. ამის შესახებ ბიბისისის რუსული სამსახური იტყობინება. 90-იანი წლების კონფლიქტში დაღუპულთა მემორიალი ქალაქ კილნმარნოკში 20 წელზე მეტი იდგა. მასზე აფხაზეთის სეპარატისტული დროშა იყო გამოსახული და ინგლისურ ენაზე ეწერა: "მოძმე ქალაქ სოხუმის მცხოვრებლების ხსოვნას, რომლებიც 1992-1993 წლების ქართულ-აფხაზურ კონფლიქტს ემსხვერპლნენ". ბიბისის ინფორმაციით, მემორიალი ცოტა ხნის წინ ბრიტანეთში საქართველოს ელჩმა თამარ ბერუჩაშვილმა ნახა და მისი აღების თხოვნით ადგილობრივ მთავრობას ოფიციალური წერილით მიმართა. მემორიალი საქართველოს ხელისუფლების თხოვნით აიღეს. ადგილობრივი მთავრობა პირობას დებს, რომ ძეგლს გაფორმებას შეუცვლის და ძველ ადგილზე დააბრუნებს.
