"ნებისმიერი ასეთი ოპერაციის დროს, პირველ რიგში, მოსახლეობის უფლებები უნდა იყოს დაცული", - ამის შესახებ საქართველოს სახალხო დამცველმა, უჩა ნანუაშვილმა ბერი გაბრიელ სალოსის ქუჩაზე მიმდინარე სპეცოპერაციის შესახებ საუბრისას განუცხადა.
როგორც ომბუდსმენმა აღნიშნა, სპეცოპერაციის დეტალების შესწავლას აპირებს.
ამის შესახებ სახალხო დამცველმა ჟურნალისტებს განაცხადა.
„ნებისმიერი ასეთი ოპერაციის დროს, პირველ რიგში, სამოქალაქო მოსახლეობის უფლება უნდა იყოს დაცული. შევისწავლით რამდენად იყო ეს მოთხოვნები დაცული. აუცილებელია ასეთი ოპერაციების დაგეგმვისას გათვალისწინებული იყოს, პირველ რიგში, იქ მცხოვრები ადამიანების უფლებები“, - განაცხადა სახალხო დამცველმა.
ბერი გაბრიელ სალოსის ქუჩაზე გვიან ღამიდან მოყოლებული, სპეცოპერაცია მიმდინარეობს.
ადგილზე რჩება საპატრულო პოლიციის რამდენიმე ეკიპაჟი. სამართალდამცავების ნაწილი იმ კორპუსის მეორე სართულზე იმყოფება, სადაც სპეცოპერაცია მიმდინარეობს.
არსებული ინფორმაციით, 46 კორპუსის მე-3 სართულზე შეიარაღებული პირები იმყოფებიან, სადაც მათი აყვანის ოპერაცია მიმდინარეობს. ანტიტერორისტული ოპერაცია უკვე 15 საათზე მეტია გრძელდება.