თბილისში, ბერი გაბრიელ სალოსის ქუჩაზე, სადაც სპეცოპერაცია მიმდინარეობს, სროლის ხმა კვლავ ისმის.
ტერიტორიაზე რამდენიმე წუთის წინ სახანძრო მანქანა შევიდა.
ადგილზე რჩება საპატრულო პოლიციის რამდენიმე ეკიპაჟი.
სამართალდამცავების ნაწილი იმ კორპუსის მეორე სართულზე იმყოფება, სადაც სპეცოპერაცია მიმდინარეობს.
შეგახსენებთ, 04:00 საათზე სამართალდამცავებმა მოქალაქეებს სთხოვეს, ის კორპუსი დაეტოვებინათ, სადაც სპეცოპერაცია მიმდინარეობს.
სპეცოპერაციის ადგილზე პოლიციას მიმდებარე ტერიტორია ყვითელი ლენტით აქვს შემოსაზღვრული და იქ შესვლის უფლებას არავის აძლევს.
