უჩა ნანუაშვილი არ მოეწონათ იმიტომ, რომ თურმე ხელისუფლება გააკრიტიკა, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია "პირველის" გადაცემა "რეაქციაში" სახალხო დამცველის მიმართ გამოთქმულ კრიტიკაზე საუბრისას განაცხადა.
მისი თქმით, "შემდეგ ეს პროცესი ღრმავდება. მერე მედია არ მოგეწონება, მერე მოქალაქე არ მოგეწონება".
„ეს გულწრფელობა, რომ ნებისმიერი განსხვავებული აზრი, არის პრობლემა, ყველაზე მეტად მაშფოთებს. უჩა ნანუაშვილი არ მოეწონათ იმიტომ, რომ თურმე ხელისუფლება გააკრიტიკა. შემდეგ ეს პროცესი ღრმავდება. მერე მედია არ მოგეწონება, მერე მოქალაქე არ მოგეწონება“, - განაცხადა მარგველაშვილმა , რომელმაც აქვე აღნიშნა, რომ სახალხო დამცველის კანდიდატურის შერჩევის პროცესში სამოქალაქო საზოგადოების ხმა უნდა იყოს ყველაზე მაღალი.
