საფრანგეთში, ქვეყნის ჩრდილოეთ ნაწილში მდებარე ქალაქ ბულონ-სულ-მერში ქართველის მკვლელობაში ბრალდებული საქართველოს მოქალაქე დააკავეს.
საზოგადოებრივი მაუწყებელი ადგილობრივ მედიაზე დაყრდნობით იტყობინება, რომ პოლიციამ 46 წლის ქართველი მძღოლი დააკავა, რომელსაც ბრალად 30 წლის თანამემამულის მკვლელობა ედება.
არსებული ინფორმაციით, ახალგაზრდა მამაკაცი, რომელსაც დანით მიყენებული ჭრილობები აღმოაჩნდა, ქუჩაში იპოვეს.
როგორც მედიასაშუალებების ნაწილი წერს, ორ მამაკაცს შორის დაპირისპირება ღამის საათებში მოხდა. სხვა დეტალები, ჯერჯერობით, უცნობია.