განხეთქილება ლუგანსკის არაღიარებულ რესპუბლიკაში. ქალაქის ცენტრი დღეს სამხედრო ფორმიანმა ნიღბოსნებმა დაიკავეს.
როგორც მოგვიანებით გაირკვა, შეიარაღებული პირები ლუგანსკის ცენტრში სამსახურიდან გათავისუფლებულმა დეფაქტო შინაგან საქმეთა მინისტრმა იგორ კორნეტმა გამოიყვანა. მათ ქალაქის ადმინისტრაციული შენობები დაიკავეს და სავარაუდოდ 2 მაღალჩინოსანი დააპატიმრეს.
არაღიარებული რესპუბლიკის ლიდერმა იგორ პლოტნიცკიმ მათ ქალაქის დატოვება უბრძანა, თუმცა ამბოხებულები ბრძანებას არ დაემორჩილნენ.