ზიმბაბვეს მმართველი პარტია პრეზიდენტისთვის იმპიჩმენტის გამოცხადების პროცედურას იწყებს. ინიციატივა პარლამენტში დღეს შევა, პროცესი კი სავარაუდოდ ორ დღეს გასტანს. რობერტ მუგაბე მმართველი პარტიის ხელმძღვანელის პოსტიდან 19 ნოემბერს გადააყენეს. პარტიის ახალ თავმჯდომარედ კი ყოფილი ვიცე-პრეზიდენტი ემერსონ მნანგაგვა დაინიშნა. სახელმწიფო გადატრიალება ზიმბაბვეში 15 ნოემბერს მოხდა. სამხედროებმა მუგაბე ოჯახთან ერთად მძევლად აიყვანეს, თუმცა ოფიციალური განცხადება გადადგომის შესახებ მას ამ დრომდე არ გაუკეთებია.
