თბილისის საქალაქო სასამართლოში დღეს, დემირელის კოლეჯის მენეჯერის, მუსტაფა ემრე ჩაბუქისთვის და მისი ოჯახისთვის ლტოლვილის სტატუსის მინიჭებასთან დაკავშირებით საქმის არსებითი განხილვა დასრულდება. ამის შემდეგ მოსამართლე სათათბიროდ გავა. ორივე მხარე იმედოვნებს, რომ სასამართლო ობიექტურ გადაწყვეტილებას მიიღებს.
„არსებითი განხილვა დღეს დასრულდება, შემდეგ მოსამართლე სათათბიროდ გავა. ვვარაუდობ, რომ დღეს გადაწყვეტილება არ იქნება, რადგან ძალიან იშვიათად აცხადებენ იმავე დღეს გადაწყვეტილებას. თუმცა, ნამდვილად ვერ გამოვრიცხავ იმასაც, რომ გადაწყვეტილება დღეს დადგეს“, - განუცხადა „ჯი-ეიჩ-ენს“ ჩაბუქის ადვოკატმა, ვახტანგ კვიჟინაძემ.
შეგახსენებთ, რომ მუსტაფა ემრე ჩაბუქის ექსტრადირებას თურქეთი ითხოვს, მას ტერორისტული ორგანიზაციის წევრობას ედავებიან.
