ოზურგეთის მუნიციპალიტეტში, სოფელ გომში, კაკანაურის ტერიტორიაზე ჩაის ფართობს ცეცხლი გაუჩნდა.
საგანგებო სიტუაციების მართვის სააგენტოს ცნობით, ხანძარს შსს-ს მეხანძრე-მაშველები, მეტყევეები და ადგილობრივი მცხოვრებლები აქრობდნენ.
მათივე ინფორმაციით, ცეცხლი უკვე ლოკალიზებულია.
არსებული ინფორმაციით, ცეცხლი ტყის მასივთან ახლოს იყო გაჩენილი, თუმცა ფართობი ჯერჯერობით უცნობია და სავარაუდოდ, გათენებამდე ამ მონაცემების დადგენა შეუძლებელი იქნება.