2017 წლის III კვარტალში საქართველოში 37 ელევატორი ფუნქციონირებდა, რომელთა უმრავლესობაც (67,6%) ქვემო ქართლის რეგიონში იყო განთავსებული. ელევატორების 10,8% ფუნქციონირებს ქ. თბილისსა და შიდა ქართლში, 8,1% - სამეგრელო-ზემო სვანეთის რეგიონში, ხოლო დანარჩენი 2,7% გურიის რეგიონშია წარმოდგენილი.
2017 წლის III კვარტლის განმავლობაში მომსახურება გაეწია 36 მომხმარებელს, მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია - 72 ერთეული შეადგინა, ხოლო ელევატორებში დასაქმებულთა საშუალო თვიური რაოდენობა 1078 კაცით განისაზღვრა.
2017 წლის III კვარტლის განმავლობაში ელევატორებში შენახული (განთავსებული) იყო 174,1 ათასი ტონა პროდუქცია, რომლის 85,2%-ს წარმოადგენდა ხორბალი, ხოლო დანარჩენ პროდუქციას (სიმინდი, ქერი, ლობიო, ხახვი, ალაო და ა.შ) უმნიშვნელო წილი ჰქონდა.