2017 წლის III კვარტალში საქართველოში 43 ერთეული სამაცივრე მეურნეობა ფუნქციონირებდა, რომელთა უმრავლესობაც შიდა ქართლში (37,2%) და თბილისშია (23,3%) განთავესბული. მოქმედი სამაცივრე მეურნეობები ასევე განთავსებულია იმერეთის (16,3%), კახეთის (11,6%), სამეგრელო-ზემო სვანეთის (9,3%) და ქვემო ქართლის (2,3%) რეგიონში.
2017 წლის III კვარტლის განმავლობაში მომსახურება გაეწია 248 მომხმარებელს, მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია - 129 ერთეული შეადგინა, ხოლო სამაცივრეებში დასაქმებულთა საშუალო თვიური რაოდენობა 993 კაცით განისაზღვრა.
2017 წლის III კვარტლის განმავლობაში მაცივრებში შენახული (განთავსებული) იყო 68,0 ათასი ტონა პროდუქცია, მათ შორის 70,7% ქათმის ხორცი (გაყინულის ჩათვლით), 9,3% პირუტყვის ხორცი და ხორცპროდუქტები (ნახევარფაბრიკატების ჩათვლით), 6,3% - თევზეული, ხოლო დანარჩენ პროდუქციას უმნიშვნელო წილი ჰქონდა.