აკადემიკოს გურამ შარაძის მკვლელობაში მსჯავრდებულის ყოფილი ადვოკატი, მამუკა ნოზაძე „ჯი-ეიჩ-ენთან“ საუბარში ადასტურებს, რომ გიორგი ბარათელმა სასჯელი მოიხადა. თუმცა, აღნიშნული ინფორმაცია არ გადაუმოწმებია, რადგან 3 წელია ბარათელის ადვოკატი აღარ არის.
„რადგან მისი გათავისუფლების შესახებ ინფორმაცია რუსუდან შარაძემ გაავრცელა, სანდოა. ბარათელმა სასჯელი მოიხადა, მას ამნისტიები, შეწყალებები და ა.შ. შეეხო“, - აცხადებს ადვოკატი.
შეგახსენებთ, რომ გურამ შარაძე 2007 წლის 20 მაისს, თბილისის ცენტრში, მელიქიშვილის გამზირზე მოკლეს. მის მკვლელობის ბრალდებით გიორგი ბარათელს 26-წლიანი პატიმრობა შეეფარდა. ბარათელმა თავდაპირველად დანაშაული აღიარა, თუმცა მერე, ჩვენება შეცვალა. შარაძის ოჯახი აცხადებს, რომ პროფესორი წინა ხელისუფლების დავალებით მოკლეს