საქართველოს პარლამენტის წევრი ნინო გოგუაძე ოფიციალური ვიზიტით პარიზში იმყოფება, სადაც ევროპის საბჭოს საპარლამენტო ასამბლეის საპროცედურო საკითხთა კომიტეტის სხდომაში მონაწილეობს.
კომიტეტი საპარლამენტო ასამბლეის წევრების მიერ შემოსავლების, ინტერესების და პროფესიული და არაპროფესიული აქტივობების დეკლარირების შესახებ ახალ მექანიზმებს განიხილავს.
როგორც სხდომაზე აღინიშნა, პარლამენტის წევრების საქმიანობის შესახებ ინფორმაცია საზოგადოებისთვის უნდა იყოს საჯარო და დროულად ხელმისაწვდომი. დეპუტატებმა იმსჯელეს თუ როგორ და რა პერიოდულობით უნდა გამოაქვეყნონ საპარლმენტო ასამბლეის წევრებმა როგორც პირადი ასევე, ოჯახის წევრების შემოსავლების, ინტერესების და პროფესიული და არაპროფესიული აქტივობების დეკლარირების შესახებ ინფორმაცია.
„ეს საკითხები არის ძალიან მნიშვნელოვანი. "ღია მმართველობის ფორმატში" ჩვენ ვმუშაობთ ამ თემებზე და ნამდვილად კარგი გამოცდილება დაგვიგროვდა ამ მიმართულებით ჩვენი კოლეგებისთვის გასაზიარებლად", - განაცხადა ნინო გოგუაძემ.