,,საზოგადოებრივი მაუწყებლისთვის კომერციული რეკლამის განთავსების შესაძლებლობის მიცემა ნეგატიურ გავლენას მოახდენს სარეკლამო ბაზარზე’’ - ამის შესახებ ,,ევროპული საქართველოს“ წევრიმა სერგი კაპანაძემ განაცხადა.
,,მთავარი, რის გამოც ჩვენ წინააღმდეგი ვართ არის ის, რომ ახალი რეგულაციებით მოხდება სარეკლამო ბაზრის დარღვევა, დამახინჯება რადგან საზოგადოებრივი მაუწყებელი იღებს საბიუჯეტო დაფინანსებას, რომელიც საკმაოდ დიდია. ეს დაფინანსება რამდენიმე ათეულ მილიონ ლარზე შეიძლება ავიდეს. მითუმეტეს მშპ-ს ზრდასთან ერთად ეს კიდევ უფრო იზრდება და ამის ფონზე, როდესაც მას ექნება შესაძლებლობა, რომ უფრო მეტი კომერციული რეკლამა მოიზიდოს ბუნებრივია დააზარალებს სხვა კერძო კომპანიებს“, - აღნიშნავს სერგი კაპანაძე.
პარლამენტი დღევანდელ პლენარულ სხდომაზე “მაუწყებლობის შესახებ” საკანონმდებლო პაკეტს პირველი მოსმენით განიხილავს.