„შევხვდებით იმ ხალხს, ვინც ახლა ევროინტეგრაციის საკითხებზე იქნება პასუხისმგებელი და ვნახავთ რა პირობები იქნება ჩვენი ერთობლივი მუშაობისთვის”, - ამის შესახებ საქარველოში ევროკავშირის სპეციალურიმა წარმომადგენელმა, იანოშ ჰერმანმა საქართველოში სამთავრობო ცვლილებების შესახებ საუბრისას განაცხადა.
ჰერმანის შეფასებით, ის მჭიდროდ თანამშრომლობდა ევროკავშირთან ურთიერთობებში მონაწილე ყველა პირთან და ამ სამინისტროს ყველა იმ თანამშრომელთან, რომელიც აქტიურად იყო ჩართული ევროინტეგრაციის პროცესში და ე.წ. საშინაო დავალებების შესრულებაში.
მისივე თქმით, თქმით მნიშვნელოვანი იქნება თუ ვინ გახდება საგარეო საქმეთა სამინისტროში პასუხისმგებელი პირი ამ მიმართულებების აღსრულებაზე.
„ეს გადაწყვეტილება საქართველოს მთავრობამ მიიღო. გვინდა მადლობა გადავუხადოთ მინისტრს და იმ ხალხს, რომლებიც ტოვებენ საკუთარ თანამდებობებს. ჩვენ კარგად ვთანამშრომლობდით მათთან და მოუთმენლად ველით ახლად დანიშნულ ხელმძღვანელობასთან თანამშრომლობასაც. ეს არის სტრუქტურული ცვლილება, რომელიც ერთადერთი არ არის რომელიც განხორციელდა. ვიმედოვნებთ, რომ კონტაქტში შევალთ მთავრობასთან დაქვემდებარებულ სხვადასხვა სტრუქტურასთან, როგორ გავაგრძელოთ თანამშრომლობა ახალი გარემოებების გათვალისწინებით. სახელმწიფო მინისტრი კურირებდა ევროინტეგრაციის საკითხებს და ეს სამინისტრო მჭიდრო თანამშრომლობდა პრემიერ-მინისტრის ადმინისტრაციასთან. შევხვდებით იმ ხალხს, ვინც ახლა ევროინტეგრაციის საკითხებზე იქნება პასუხისმგებელი და ვნახავთ რა პირობები იქნება ჩვენი ერთობლივი მუშაობისთვის,”-განაცხადა იანოშ ჰერმანმა.