თბილისის მერი კახა კალაძე აცხადებს, რომ დედაქალაქის გამგეობებში რეორგანიზაციები დაიწყება და საზოგადოება დეტალებს ახლო მომავალში გაიგებს.
"როდესაც ვსაუბრობთ ზოგადად ოპტიმიზაციაზე და რეორგანიზაციაზე, რა თქმა უნდა, აქ არ იგულისხმება მხოლოდ მერია. გამგეობებშიც იქნება რეორგანიზაციები და იქნება ოპტიმიზაცია. რა და როგორ გაკეთდება, ამას მომავალში საზოგადოება გაიგებს", - განაცხადა კახა კალაძემ.
მისივე თქმით, თბილისის ბიუჯეტი საარჩევნო პროგრამას უნდა მოერგოს.
,,თბილისის მთავრობის პირველივე სხდომაზე მოხდება დავალების მიცემა, რომ თბილისის 2018 წლის ბიუჯეტის პროექტი იქნას გამოთხოვილი საკრებულოდან”, - აღნიშნა კალაძემ.