სახალხო დამცველი უჩა ნანუაშვილი ე.წ. ციანიდის საქმის პროკურორს პასუხობს, რომელმაც საქმის მონიტორინგის ანგარიშს არაკომპეტენტური და უსაფუძვლო უწოდა.
"როდესაც პროკურატურას არ აქვს პასუხი იმ კითხვებზე, რომელიც ჩვენ დავსვით, რა თქმა უნდა, ის გადადის ბრალდებებზე იმიტომ, რომ სხვა გზა არ დარჩენია. პროკურორი იმასაც ამბობდა, სახალხო დამცველი პირადად რატომ არ ესწრებოდა სასამართლო სხდომებსო. მე არ ვიცი მთავარი პროკურორი რატომ არ ესწრება სხდომებს. ცნობილია, რომ ჩემი წარმომადგენლები ესწრებოდნენ პროცესებს და რამდენჯერმე მეც დავესწარი", - განაცხადა უჩა ნანუაშვილმა.
ომბუდსმენის აპარატმა ე.წ. ციანიდის საქმის მონიტორინგის ანგარიში გუშინ გამოაქვეყნა. ომბუდსმენის შეფასებით, მიუხედავად საქმის მიმართ მაღალი საზოგადოებრივი ინტერესისა, გამოძიება და სასამართლო პროცესები საზოგადოებრივი კონტროლის გარეშე წარიმართა.
