ზიმბაბვეს არმიამ სახელმწიფო ტელევიზია, პარლამენტი და სხვა ადმინისტრაციული შენობები დაიკავა, თუმცა სამხედრო მაღალჩინოსნები სახელმწიფო გადატრიალებას უარყოფენ. მათი თქმით, მიზანი მხოლოდ პრეზიდენტის გარემოცვაში იმ დამნაშავეების დაკავებაა, რომლებიც სოციალურ და ეკონომიკურ კრიზისზე არიან პასუხისმგებელნი. გავრცელებული ინფორმაციით, დაკავებულია ფინანასთა მინისტრი. ქვეყანაში დაწყებული არეულობის გამო შეერთებული შტატების საელჩომ ზიმბაბვეში მყოფ ამერიკელებს მიმართა და დროებით ქუჩაში გასვლისგან თავის შეკავება ურჩია.