ზიმბაბველმა სამხედროებმა სახელმწიფო ტელერადიოკომპანიის შენობა დაიკავეს. ადგილობრივი მედიის ინფორმაციით, მათ ტელევიზიის რამდენიმე თანამშრომელი სცემეს.
ქვეყნის დედაქალაქ ჰარარეში სროლის ხმაც ისმოდა. სამხედროები დედაქალაქის ცენტრალურ მაგისტრალებზე საგუშაგოებს აყენებენ. გაძლიერებულია დაცვა პრეზიდენტის სასახლესთან.
გავრცელდა ინფორმაცია იმის შესახებაც, რომ ამბოხებულებმა ფინანსთა მინისტრი იგნასიუს ჩამბოც დააპატიმრეს.
ნოემბრის დასაწყისში 93 წლის პრეზიდენტმა რობერტ მუგაბემ დაკავებული თანამდებობიდან გაათავისუფლა ვიცე-პრეზიდენტი ემერსონ მნანგაგვა, რომელიც პრეზიდენტობის ყველაზე რეალურ კანდიდატად ითვლებოდა. მნანგაგვას სამხედროების მხარდაჭერა ჰქონდა.